Төсвийн тухай хуульд нэмэлт өөрчлөлт оруулах тухай хуулийг хэлэлцэж байна.
Энэ үеэр УИХ-ын гишүүн Д.Батлут “Сүүлийн 33 жилийн хугацаанд анх удаагаа 1.1 их наядаар давж биелсэнд баяртай байна. Засгийн газар сайн ажиллаж байна. Орлого бүрдүүлэхэд ихээхэн үүрэг гүйцэтгэж байгаа уул уурхайн салбарынхандаа баяр хүргье.
Хүүхдийн мөнгө олгох асуудал дээр хүсэлт гаргасан иргэнд хүүхдийн мөнгө олгоно гэдэг зүйл яваад байна. Энэ бол буруу. Мэдээ мэдээлэл авч чадахгүй олон иргэн бий. Тэгэхээр хүсэлт, өргөдөл гаргахгүйгээр шууд л бүх хүүхдүүддээ алагчлалгүй олговол зөв шийдэл болно. Мэдээлэл авч чадалгүй хүүхдийн мөнгөө авч чадаагүйгээс болж эргээд асуудал үүсч мэднэ” гэлээ.
ХНХ-ын сайд Х.Булгантуяа “Бид 9 хувийг нөхөж олгоно. Шинээр төрсөн хүүхдүүд ч хамрагдана. Өмнө нь 20 мянган төгрөг бүх хүүхдэд олгодог байхад мөнгөө авдаггүй хүмүүс байсан. Тиймээс хүүхдийн мөнгө авахгүй хүмүүс байж магадгүй гэдэг утгаар хүсэлт гаргасан тохиолдолд гээд байгаа юм” хэмээв.
