БЗС-гийн мэдээллийг ил болгож, 1997-оос хойшхи зээлийн бүх дүнг нэгтгэж зарлаад буй. Гэвч тус сангаас зарим улс төрчид болон тэдний хамаарал бүхий хүмүүс зээл авч суралцсан болох нь ил болж, олон нийтээс ихээхэн шүүмжлэлийг хүртээд буй юм. Тухайлбал, Цахим хөгжил, харилцаа холбооны дэд сайд Б.Болор-Эрдэнэ төрд хоёрхон жил ажилласан хэрнээ зээлээс чөлөөлөгдсөн байдаг.
Тэрбээр 2016 онд БЗС-гаас 32.000 ам.долларын зээл авч, “Oxford”-д сурчээ. Б.Болор-Эрдэнэ энэ талаар “Энэ зээл эх орондоо таван жил ажиллах нөхцөлтэй. Тэр нь явж байгаа. Зээл авахдаа барьцаанд нь байраа тавьсан. Байр барьцаанд байгаа” хэмээн мэдэгдэж байв. Гэвч тэрбээр ажлаа өгсөн ч зээлээ төлөөгүй хэвээр байна.
Хуулиараа төрд таваас доошгүй жил ажилласан иргэнийг БЗС-гийн зээлээс чөлөөлдөг. Гэтэл Б.Болор-Эрдэнэ төрийн албанд 2020 оноос хойш л ажиллаж буй. Тэгэхээр таван жил болоогүй, дөнгөж хоёр жил ажиллаж байгаа атлаа БЗС-гийн зээлээ чөлөөлүүлсэн нь хууль бус юм.
