“Хотын өнгө үзэмжинд муугаар нөлөөлсөн 226 сурталчилгааны самбарыг буулгаад байна”
Баянгол дүүргийн Засаг даргын Тамгын газрын Тохижилт, нийтийн аж ахуйн хэлтсийн дарга Г.Мөнх-Эрдэнээр ахлуулсан баг гудамж талбайд зөвшөөрөлгүй байршуулсан сурталчилгааны самбаруудыг буулгах ажилд идэвхийлээд байна.
Улаанбаатар хотын Ерөнхий менежерийн А/20 дугаар тушаал, Дүүргийн Засаг даргын А/90 дугаар захирамжийн хүрээнд төв болон туслах гудамж зам дагууд зөвшөөрөлгүй байршуулсан, худалдаа үйлчилгээний газрын гадна зар сурталчилгааг байршуулахад дагаж мөрдөх журам, стандарт шаардлагыг хангаагүй, үзэгдэх орчинг хязгаарласан, хотын өнгө үзэмжид сөргөөр нөлөөлж буй унах эрсдэлтэй 485 байгууламжид мэдэгдэх хуудас өгчээ.
Өнөөдрийн байдлаар 226 байгууллагын гадна зар сурталчилгааны самбарыг буулгаад байна.
Ингэснээр замын хөдөлгөөний аюулгүй байдал хангагдах, иргэдийн эрүүл аюулгүй орчинд амьдрах нөхцөлийг бүрдүүлэх, хотын өнгө үзэмжийг нэмэгдүүлж стандартыг мөрдүүлсэн орчинг бий болгох давуу талуудтай юм.
