Манайхан Maxim coffee уудаг биздээ!!!! Үйлдвэрийн алдаанаас болж энэхүү кофе силиконы хольцтой гарсан байж магадгүй гэдэг мэдээлэл БНСУ-ын хэвлэлүүдэд гарчээ.
Үйлдвэрлэсэн он сар болон 창원 эл тэмдэглэгээг шалгаарай гэсэн сэрэмжлүүлэг мэдээлэл явж байна. Бүр тодруулбал, дуусах хугацаа нь 2024 оны 9-р сарын 19-26-ны хооронд байгаа бол тухайн кофег хэрэглэхгүй байхыг зөвлөж байна.
Dongseo Food компанийн "Максим" холимог кофе нь "үндэсний кофе" гэж нэрлэгддэг маш их эрэлттэй бүтээгдэхүүн юм. Харин БНСУ-ын ХХААХҮЯ-ны шалгалтын үр дүнд cилконы хэсгүүд орсон болох нь батлагдсан байна.
Улмаар өнгөрсөн сарын сүүлчээр Чанвон, Инчон хотын үйлдвэрүүдэд үйлдвэрлэсэн Maxim Mocha Gold кофены 8 төрлийн хольцыг эргүүлэн татахаар болсон байна.
Энэхүү асуудалтай холбоотойгоор БНСУ-ын Хүнс, эмийн аюулгүй байдлын яамнаас үйлдвэрийн талбайн шалгалтаар эрүүл ахуй, байгууламжийн стандартыг мөрдсөн эсэхийг шалгаж байна.
Орчуулсан Э.Тунгалаг
